Форум » Книжница » Письмо протопопа Аввакума к «отцу и брату, другу и советнику» » Ответить
Письмо протопопа Аввакума к «отцу и брату, другу и советнику»
САП: [more] «Господи Исусе Христе, сыне божий, помилуй нас». О Христе нашему и отцу, и брату присному, и другу, и советнику, воину Исусову, страдальцу Христову, проповеднику благочестия, поборнику православия, любезному и прелюбезному сердешному нашему другу и отцу, имя-рек, радоватися. Да веси, о вселюбезне, яко не о том скорбим, еже напал на тя сатана со слугами своими; но о том радуемся, яко, имя-рек, толикая претерпе от врагов божиих, еже и всяк слух ужасает. За што претерпел? Што своровал? — Не ведаешь ли, што Павла в Листре и Ликаонии жиды богоубийцы наустиша народы и побиша Павла камением, влечаху вне града, мнеша его умерша? За то и нашего, — оле радости з горьким плачем растворенныя! — имя-рек побиша. О друже наш любезный! Целуем главу твою. Целуем перси твоя. Целуем руки и ноги! Прииди-тко сюды, приклони-ткося к нам, дай-ко главу ту страдальческую! Обымем тя, облобызаем тя, облием тя плачем, омыем тя слезами, напад на выю твою, возглаголем сице от болезни: уд ты наш, брат ты наш, едино есмы тело! Похищен бысть сатаною, пленен бысть варвары, отведен бысть в чужую землю и тамо многая озлобления много претерпе от врагов благочестия: ныне же мы паки тя видим во свое отечество возвратившася! О, слава тебе, господи! Срадуйтеся с нами все духовное братство, яко друг наш и брат обретается жив и не удавлен от еретиков. А што, друже, скорбишь о пагубном их причастии — што ж делать! Худо сделано, не мужественно! Да што говорить? Вси мы человецы немощни, без божия помощи праху подобни. И Христос рек: «дух бодр, плоть же немощна». А они, враги, злы ревнители отца своего сатаны, поспешны на пагубу нашу. Петр-от и камень наречен, да и тот поползнулся. Только слышали мы в малом твоем писанийцы, — ищешь покаяния, скорбишь, болезнуешь и их, сказываешь, возненавидел, яко змию. О сем радуемся, о сем веселимся, приемлем тя, лобызаем тя, любим тя, приобщаемся тебе, сплетаемся тебе присно, связуемся тебе вечно! Брат и уд ты наш! Хто свой уд ненавидит? Брата тя присна — присна имехом, и имеем, и имети хощем, всегда, ныне, и присно, и во веки веком. Аминь. http://feb-web.ru/feb/avvakum/texts/a34/a34-368-.htm [/more]
Ответов - 0
полная версия страницы