Форум » Книжница » священноинок Геронтий Соловецкий » Ответить
священноинок Геронтий Соловецкий
САП: [more]Собрание от Божественых писаний, от апостольского предания и правил святых отец противу новых книг. Имать же списание оно поведати сице Глава 1. О трисоставном кресте Господни и о крыже четвероконечном Понеже убо ныне от настатия Никонова патриаршества вместо трисоставнаго крес-та Христова в новых книгах учиниша кры-жи, а преже сего от начала православныя нашея веры в Росийском царьствии вместо три-составнаго креста Христова крыжей не вводили и поклоняния крыжнаго не именовалося от-нюдь. И божествении бо пророцы за много лет до Христова вочеловечения о том же трисо-ставном кресте Господни пророчествоваша, а не о крыже, якоже в Книге Исаия пророка во гла-ве 60-й и в паремие Воздвиженской пишет, сице глаголя: «Слава Ливанова к тебе приидет с кипарисом и певгом и кедром прославити имя святое Мое» и прочая. Наипа-че же в Толковых его пророчествиях и в книге Иякова Евреина достовернейше о том сви-детельствует, яко от тех трех древ крест Гос-подень сотворен бысть, а не от двою» (кни-га Иякова Жидовина в полдесть, лист по сче-ту 28). Такоже и в Соборнике печатном постном в десть, лист 314, в Слове святого Германа патриарха пишет, яко крест Хри-стов от кипариса и певга и кедра в тридневную смерть Господа Исуса соделан бысть. К сему же и преподобный Иван Дамаскин в Охтае 3-го и 7-го гласа в среду и пяток в седалнах на утрени пишет: «На кипа-рисе и певге и кедре вознеслся еси агнче Божий». И паки в ырмосах осмаго гласа в пя-той песни глаголет: «О треблаженное дре-во, на нем же распятся Царь и Господь» (в Триоди вторник и среду 4 пост[а], песнь 8, и Кириловой] лист 116). А в каноне крест-ном дневном, творение святого Григория Синаита, во многих стихах воспоминает трисостав-наго же креста силу и пишет сице: «Кресте трисоставне и трисветне, кресте треблаженши, триобоюдный меч, древо трелюбезное и знамение непостижимыя Троицы». Крест трисоставный Троицы бо носит трисоставныя образ. И в Соборнике же пе-чатном в неделю 3-ю Поста, в слове святаго Феодора Студита, лист 404, пишет: «Днесь тричастный крест поклоняем есть и четвероконечная празднуют радостно» (на Воздвижение креста в стихирах на целование и на литии). К сему же и в Книге Кирила Иеру-салимского, лист 166, и во икосе благовернаго царя Константина (на Воздвижение в слове Хрусове), и в ыных во многих книгах пишет, яко крест Христов от трех древ: от кипариса и певга и кедра соделан бысть. А святый Гри-горий Амирицкий митрополит, в Книге сво-ей в конце третия беседы еже з Герваном, изъяснил о сем имянно (Пролог, дек. 19), которая часть в том кресте Христове от коего древа сотворена бысть и пишет, яко прямое древо бяше от кипариса, прекое же от певга, подножное же от кедра. И везде святии отцы о кресте Господни глаголют, яко трисоставен во образ троического триипостаснаго Божества и тридневнаго Воскресения Христова соделан бысть. А крыж того божественаго таинъства в себе прообъразовати не может, понеже составляется точию от двух древ, а третияго древа, еже есть подно-жия, в себе не имеет (Пролог, дек. 26). А еже они, нынешъние учители, утвержая свою новую веру, глаголют, яко крест Хри-стов трисоставный и крыж едино есть и заеди-но его повелевают имети и поклонятися и почитати, и то они учат Божественому пи-санию и отеческому преданию противно, по-неже в Минеях четьих древних, марта в 30 день в Житии святителя Ионы Московского и всея Русии чюдотъворца, и в Летописных книгах росписано о сем имянно, что есть крест, и что крыж. Пишет же в тех книгах сице: «В лето убо 6945, во дни благовернаго великого кня-зя Василья Васильевича Московского и всея Русии, егда ходил с Москвы в Рим на Осмый нечестивый собор Исидор развращенный митрополит, и доиде немецкого града Юрьева, в нем же живущии православънии християне встретиша его со кресты че-стно, латыня же изнесоша противу ему крыж. Он же притече со тщанием, припал и поклонился крыжу ляцкому и проводил ево до костела, а истинные кресты право-славия презрел» (Летописец Иоасафа Сороцкаго дачи в полдесть и в Хронографе Сергиевс-ком в десть, глава 55, о Исидоре митрополите). И сего ради он, Исидор, в тех книгах написан богоотступником сице. «Яко еще — рече — он, окаянный, не дошед Рима, богоотступная деяше, крыж почиташе, а истинный крест Христов презираше». И от сего яве, яко крест Господень трисоставный и крыж не едино есть и заедино ево нам, православным, с честным и животворящим крестом почитати Божественое писание не повелевает. И аще бы той латынский крыж равночестен трисоставному кресту Христову был, то не бы он, Исидор, за крыжное поклоняние и почитание богоот-ступником был написан. И паки в Летописной же книге у нас о том крыже, его же ныне по-всюду у нас в Росийском царствии на просфи-рах воображают, пишет сице, яко той крыж являет латынскую веру, рекше соединение латынства с православием (Летопись в пол-десть Никиты Котельникова дачи, та же Соборник в полдесть дьякона Илариона дачи). И что убо достовернее нам сего свидетелства, яко древние Летописные книги и жития святых отец поведают нам, яко той крыж несть православных предание, но латынския веры соединение. Наипаче же, яко и богоотступ-ником за то крыжное поклоняние вышереченный Исидор митрополит написан. И по сему яве, яко и нам ныне в православную свою веру тех крыжей вводити и на просьфирах печатати ими отнюдь не подабает, понеже бо и прародители государевы, благоверные цари и великие князи и вси архиереи Московского господарьства в древние лета у нас крыжем чести не воздавали же и конечное опасение от того имели, якоже свидетельствуют у нас во обители преподобных отец Зосимы и Саватия Летописныя книги, еже бысть от создания миру в лето 6930. Егъда прииде из Царяграда ца-ревна София в царствующий град Москву к великому князю Ивану Васильевичю всея Русии, а с нею шел из Риму от папы посол Антоний легатос и нес пред собою крыж. Ве-ликий же князь, и преосвященный Филипп митрополит Московский и всея Русии, и весь освященъный собор, и царьский синклит, и вси московстии народи, оного посла с тем крыжем в царствующий град Москву ни блиско не пустиша, того ради, яко да не будет нами право-славными латынская вера почитаема, понеже бо писано есть, яко «всяк, возлюбив и похва-лив чюжую веру, той своей поругался есть» (Летописец Иоасафа Сороцкого и Алфавит Сер-гиев в десть, лист 485). И от сего яве, яко тогда не точию у нас в Рустей земли, но и в Греках кры-жем чести не воздавали же (в старой Минее четьи, март в 30 день, в Житии Ионы митропо-лита, и в Степ[енной], грань 15, глава 2). По-неже той Филипп митрополит родом был Греческия земли, и книги и веру греческого закона до конца всю знал, и житием был праведен и благочестив, ибо прежде преставления свое-го, добродетелнаго ради ево жития, сподобися аггельского видения и извещения, еже к Богу от тела своего отхожъдения, якоже свиде-тельствует о сем в Степенной книге, степень 15, глава 5-я (в Хронографе Щелкаловском в десть о Филипе, яко грек бе). А был он, Фи-лип митрополит, после Ионы чюдотворца (Иона преставися в лето 6969) на престоле ево в тре-тей год, и во всем прежде его бывшим архиереом и чюдотворцом Московского государства был истинный благочестия поборник и подра-жатель, но обаче того латынского крыжа не почитал же. И аще бы у них тогда в Греках, или бы у нас в Руской земли прежде его быв-шие святитилие и чюдотворцы, Петр, и Алек-сей, и Иона крыжи почитали, то не бы той угодник Божий Филип, митрополит Москов-ский и всея Русии, прежде его бывшему оте-ческому преданию явился противен, и не бы тому латынскому крыжу возбранил в Московс-кое государство внити. О кресте царя Константина Такоже и равноапостолному царю Коньстантину крест на небеси показан бысть трисоставен же, а не крыж, иже ныне в царствующем граде Москве от Святыя горы Афонския принесен в соборней апостольстей церкви, всем яве предлежит на поклонение приходящим. И от сего небеснаго свидетелства явно, яко Христос Бог наш не на крыже распяся, но на совершеном кресте трисоставном, яков же благочестивому царю Константину на небеси показан бысть. Та-коже и в книге Кирила Иерусалимского, на лис-ту 59-м пишет, повелевает нам не крыжи имети, но той един честный крест, на нем же пригвожъдени быша ноги Христовы (Иосиф Волоцкий, слово 7). И сие яве, яко о подно-жии же трисоставнаго креста Христова глаго-лет. И пророк Давыд во псалме 98-м пишет: «Возносите Господа Бога нашего и кланяйтеся подножию ногу его, яко свято есть» (Псалом 131). И паки о том же подножии крест-ном святии отцы изъясниша имянно, чесо ради у него воображают десную страну подъемшуся горе, а шуюю понизшуся долу. Понеже Христос Сын Божий и Бог, стоя на кресте, преклонил гла-ву на десно: да преклонит вся языки веровати и поклонятися ему; и десную ногу облегчи: да облегчатся греси верующим в него, и во второе пришествие возмутся горе в стретение ему. А шуюю того ради отягчи, и подъножку долу по-низшуся, да не верующим в Онь отягчают и снидут во ад (глава 9-я, в букве глаголемей червь, и в Потребнике Иосифовом, лист 600). А ныне и сие божественное таинъство отставлено же, занеже у тех крыжей подножия не сотъворяют. И убо подножию не сущу, яве, яко и таинству сему без того исповедоватися невозможно есть. О титле, еже на кресте Такоже и дщицы верхней, на ней же напи-сано бяше титло Христово, еже есть: «Исус Назарянин царь Июдейский» — на тех кры-жах они не воображают же. А во Евангелии вседневном толковом, во Иоаннове благовестии, в зачале 60-м, на листу 288-м, о сем пишет, яко тое титло положи Пилат на крес-те к прославлению Христову, яко да в предбуду-щим родом не неведомо будет, кий убо крест Христов, кия же ли разбойничи. А ныне они теми крыжами своими, отъятием того титла и подножия, крест Господень с разбойничи смесно единовиден сотворяют, и сим славу Господню умаляют. А преже у нас в Росийском государстве до сего времени от креста Христо-ва тое дщицы и подножия не отлучали, и в цер-ковных богословных книгах то таинъство нам почитати предано, якоже свидетелствует сему в Минее канархистной, сентября в 14 день, пос-ле хвалитных стихир, на целование честнаго и животворящаго креста, стих четвертый, гла-голющий сице: «Четвероконечный мире днесь освящается», «Четверочастному воздвизаему кресту, Христе Боже». И убо четвертую часть креста зде нарицает списатель. Яве, яко о верхней дщице сие глаголет, на ней же написано бяше титло Христово. Такоже и в кни-гах печатных Никона патриарха, и в греческих и литовских переводех, яже зде и повсюду об-ретаются во многих местех напечатаны совер-шено, трисоставные же кресты и со иже выспрь пригвожденым вышереченным титлом Христо-вым. А в Евангелии воскресном, в неделю 3-ю святаго Великого поста, на листу 64-м, вселенныя учитель Иван Златоустый сего крыжа, иже древле Моисеом в пресечении Чермнаго моря проначертаннаго точию образом и сению, истин-ному трисоставному кресту Христову ево быти имянует (Апостол, зач. 383 и в Кирил[овой] лист 278, 182). К сему же и в книге Кормчей, лист 202, правило 82 вселенскаго Шестаго собора, вместо истины — образа и сени почитати нам не повелевает. Сего бо ради и Сын Божий, Господь наш Исус Христос распяся, яко да отринув меншая, введет нам большая и новейшая. Иде же бо благодать привниде, оттуду отгонится сень закона. «Преиде бо — рече — сень закона, бла-годати пришедши» (Дох. Глава 2). Такоже и апостол глаголет: «Аще бы первый закон непорочен был, не бы второму искалося ме-сто». И паки глаголет: «Сень бо имый закон грядущих благ, а не самый образ вещей» (Апостол, зач. 323). Еже ныне в новоизложенъных книгах, в Скрыжалех и Жезлах пе-чатают, приводят себе в помощь о том же крыже свидетелства Афанасия Великого, еже ко Антиоху, некоему князю, по вопросу ответ, ему же начало: «Креста убо образ от двою древу совокупляюще» (в письмен-ной] Небесах в Сергиеве, вопрос 41). И мы убо Афанасия Великаго, святителя и учителя вселенныя, богодохновенная списания его вся приемлем, и якоже 4 евангелисты и правила святых апостол, почитаем. Елма же он бяше во время Перваго собора (Первый собор бысть в лето 5818). Аще убо он о сем и писаше, но тогда церковь Божия, до Шестаго вселенского собора, имяше свой чин и правила, понеже бо на том вселенском соборе не точию святых отец предания, но и апостольских правил некая на болшее спасение и на лучшее поспешение людем промышляюще упразднишеся, якоже свидетелствует в Кормчей, Шестаго вселенскаго собора правило 6, 12, 29, 81. Тогда убо и сенообразное почиташеся, вместо бо превечнаго младенца Господа нашего Исуса Хрис-та воображали на иконах и на церковных дис-косах по Ветхому завету агнцы, еже есть спро-ста рещи борашки (в Прав[илех] 82). Такоже и епископи тогда были женатые (12), а в попы и во дьяконы многие тогда ставилися и служи-ли холостые (6). А в великий четверток божественыя службы епископи служили после обеда, ядши (29 в Кормчей, лист 27, 78). И в суботы труждатися не велено бяше же тогда, и мясоедение иноком невозбранно. И то было все до Шестаго вселенскаго собора, а на Шестом вселенском соборе и после все то отставлено (в Кормчей, лист 598, Матфей, правило 197, и в Ник[оновых] правилах от задней цки). Аще что тогда и было, того нам ныне во свидетелство приводити не по-добает. И кая убо потреба нам, оставя самую истину, еже есть трисоставный крест Христов, паки тое законную сень гонити и латынская мудрствовати, еже крыж почитати, а истинный трисоставный крест Христов презирати? И паки они же в новоизложенных своих книгах Жезлах напечатали, ибо предлагают на те четвероконечные кресты, рекше крыжи, в по-мощь себе свидетелства, яже мы имеем их в цер-квах Божиих на ризах и стихарях, и на прочих и священных одеждах, и в просфиромисании, и маслосвящении, и на агнцах режуще, и себе знаменающе его воображаем. И сею благословною виною ныне они тот крыж нам вместо трисоставнаго креста Христова вмещают и поклонятися ему повелевают, и то они творят преда-нию святых отец противно, понеже бо той четвероконечный крест, рекше крыж, якоже преже рехом, образ и сень трисоставнаго крес-та Христова, о нем же вселенныя учитель Иван Златоустый во Евангелии воскресном, в не-делю 3-ю Поста ясне свидетельствует. Такоже и Павел апостол глаголет: «Сень бо — рече— имый закон грядущих благ, а не самый образ вещей» (Зач. 323). А в правиле 52-м Шестаго вселенского собора, вместо исти-ны — образа и сени почитати нам не повелевает. И сему апостольскому и святых отец преданию мы последующе, не древнюю убо мимошедшую сень почитающе, четвероконечныя оны кресты священнодействующе вображаем, и на священ-ных одеждах полагаем, но самого того истиннаго трисоставнаго креста Господня всемогущую божественую силу и действо сим, воображающе, являем, якоже и иконное воображение имуще. Аще бо и почитаем их, воздающе честь перво-образному существу, обаче же не боготворим я, сиречь Богом их не нарицаем, но — «образ Божий» — глаголем (в Кириловой, лист 162). Тако и сия четвероконечная кресты, аще и по-читаем их на священных одеждах воображаю-ще, обаче же яко образ и сень истиннаго креста Господня по преданию святых отец его имеем, понеже бо и во время страсти Христовы не крыж, но трисоставный крест в тридневную смерть Господа Исуса соделан бяше, а крыж того преобразования в себе не имать, занеже двосоставен есть и не тацем подобием сотво-рен, на нем же Христос пригвоздися. И кровь Господня не на крыж, но на трисоставный крест излияся, и тело Господне на нем не разпростреся. Сего ради и поклоняния того крыжнаго от начала православныя нашея веры отнюдь у нас не именовалося. Якоже и на Воздвижение честнаго креста на литоргии о сем свидетелствует. Ибо вместо Тресвятаго не глаголем убо, поюще, яко образу и сени поклоняемся, но: «Кресту Твоему — рече — поклоняемся, Владыко, и святое воскресение Твое славим». И тако зде имянно являет, яко святии отцы самому по-добию божественаго трисоставнаго креста Господня кланятися повелевают, а не образу и сени. Да и потому знать, яко образ и сень равночестия истинному трисоставному кресту Христову не имат, понеже бо изстари во всем мире имеют сей обычай, еже те крыжи, без надписания, на картах и на иных суетных вещех невозбранно и беззазорно воображати. Да аще убо они и без надписания суть, но обаче средокрестное подобие имут тождеобразно, и зва-ние тезоименно, множицею же и с надписанием, рекше «Иисус», Христовым имянем. Те крыжи иноземцы на камках вместо трав вооб-ражающе, к нам в Русь вывозят, его же не дос-тоит отнюдь тако творити, по Писанию, глаго-лющему: «Да не приимши — рече — имени Господа Бога твоего насуе» (Моисей в главе 20, в Кормчей, лист 363, 561). А иже той истиный трисоставный крест Господень по всей вселенней, кроме божественых, священных, и пречестных мест, и яже божественей чести служащих, всуе воображаем, никако же отнюдь нигде не обре-тается. К сему же и ина свидетелства они в по-мощь себе приемлют, уподобляюще убо своим крыжем наши четвероконечныя кресты, их же мы носим на выях, и яже в просфиромисании впрямь и преки действуемое пререзание божественаго агнца сотворяюще, воображаем. Но убо и сия свидетелства им такоже несть тверда суть, занеже бо аще мы и четвероконечны ви-дом кресты на рамех носим и в божественей службе, на агнцах режуще, воображаем, обаче сего ради, понеже бо они на лицы у себе имут совершенное трисоставнаго креста Господня воображение и подпись, его же ныне самосмышлением своим на агнцах и на прочих про-сфирах отставили вовсе, и печатают сень крес-та, еже есть крыжи, и везде их ныне в церквах Божиих и повсюду паче истиннаго трисостав-наго креста Господня почитают, и светло и велехвално изъясняюще, его прославляют, и под-пись: «Се агнец Божий вземляи грехи всего мира» — на тех агнцах ныне по-прежнему не печатают же. А еже тое самую истину — трисоставный крест Господень, на нем же Сын Божий распяся, и предрекомую подпись, не веде чесо ради, то ныне отставляюще презирают, и тем в конечное смущение и отчаяние православных християн влагают, занеже в древних писменых книгах, лет за полтретья ста свидетелства о сем являют, якоже выше рехом, яко святии отцы и благо-верные великие князи и гречестии архиереи, будучи тогда у нас в Московъском государстве, сами крыжей отнюдь никако же не почитали, да и нам о сем с прещением запретили. А иже тогда крыжное поклоняние творили, и тех часть святии отцы з богоотступники положили. Аще ниже кому сие мнится быти не достоверно, сам убо той в преждереченных тех книгах сего подлинно да смотрит, понеже бо очи ушию вернейши суть, и паче слуха видение. И яко да познав истину, к тому не имать в совести сво-ей впредь никоего же о сем смущения. К сему же и на древних, яже у нас железныи кресты обретаются [на] церквах, тем же крыжеобразным подобием суть четвероконечны (чти о Бо-городице Тихвин[ской]: крестов железных на церквах ставить не велено). И понеже убо они на себе имут, якоже и на гойтанных крестах, начертание трисоставнаго креста Господня соверьшенно, и сего ради убо им, по преданию церковному, кланятися несть возбранно, и свя-тых отец преданию не противно. А еже то четвероконечное, рекше крыжное, поклоняние без совершеннаго воображения, аще бы было добро и богоугодно, то не бы в старых книгах, якоже выше рехом, крыжепоклонницы бого-отступниками написаны были, и не бы у нас, в Росийском царствии, святии отцы и благоверъные цари и великие князи крыжъное поклоняние отметали. Аще бо и на священных одеждах, и во священнодействии они древле, якоже имы ныне воображающе, почитали, обаче предел вечных не прелагали и собою мудрствовати выше меры вново ничево не начина-ли, и поклоняния крыжнаго не въводили. [текст по изданию Н. Ю. Бубнов: Памятники старообрядческой письменности, Спб, 2006][/more]
Ответов - 0
полная версия страницы